«Егеменді елдігім – Тәуелсіздік теңдігім!» атты патриоттық әндер сайысы болып өтті

12.12.2023ж 5-10 сыныптар арасында  Тәуелсіздіктің 32 жылдығына орай «Тәуелсіздік – баға жетпес байлығым» атты сынып жетекшілер бірлестігінің онкүндігі өткізілуде. Осы онкүндік аясында «Егеменді елдігім – Тәуелсіздік теңдігім!» атты патриоттық әндер сайысы болып өтті. Сайысқа оқушылар жоғарғы дайындықпен келді. «Отаным-Қазақстан»,  «Тәуелсіз қазақтың қызымын», «Туған жер», «Сәлем саған туған ел», «Қазақтың баласымын», «Қазағым-ай», «Атамекен», «Жаса, Қазақстан», «Қазақ барыстары», «Қазағым», «Туған жер», «Ұлы дала», «Мен қазақпын» әндері шырқалды. Сайыс соңында лицей директоры Суранчиева Роза Махмутовна оқушыларға ізгі лебізін айтып, өнерлерін одан әрі шыңдай берулеріне тілек білдірді. «Сегіз қырлы бір сырлы» өнерпаздар өнерге тағы да бір зер салып, көрермендердің ыстық ықыласына бөленді.