27
сентябрь
2021
Ару қала - Алматы
Алып шаһар Алматының туған күні қаламызда жыл сайын қыркүйек айының үшінші жексенбісінде аталып өтіледі. Аталған мерекеміз, қала күніне арналған Алматы қаласының оқушылары арасында ҚР Тәуелсіздігінің 30 жылдығына орай “ Ару қала - Алматы” атты байқауы болып өтті. Байқауда эссе жазу, бейнелеу, қол өнері номинациялары бойынша 8-13 жас аралығындағы жас өнерпаздар өз бақтарын сынады. Эссе жазу номинациясында лицейімізден 7А сынып оқушысы Бостан Хауа өзге қатысушылардан оза шауып, І дәрежелі орыннан көрінді. Жетекшісі: қазақ тілі мен әдебиеті пәні мұғалімі Ершораева Назерке Нұралықызы. Жас жеңімпазымызға марапатты Медеу ауданының әкімі Әсет Масабаев мырзаның өзі табыстады. Ару қала - Алматының мерейін үстем етіп, арнайы байқау ұйымдастырған Медеу аудандық әкімшілігі мен Медеу аудандық білім бөліміне алғысымызды айтамыз!