Қазақстан Республикасы Үкіметінің 2018 жылғы 10 мамырдағы № 254 қаулысымен бекітілген
ХАБАРЛАНДЫРУ!
«Ж.Жабаев атындағы №161 лицей» КММ 2019-2020 оқу жылына 5-сыныпқа 75 оқушы қабылдайды.
Байқауға өтініш қабылдау 3 маусымнан басталады. 5-сыныпқа 75 оқушы толық қабылданған уақытқа дейін.
Керекті құжаттар тізімі:
- Ата-ананың өтініші (заңды тұлғалар немесе алмастыратын)
- Оқушының туу туралы куәлігінің көшірмесі
- Оқу үлгерімі табелінің көшірмесі
Қамқоршылық кеңесі мен педагогикалық кеңестің шешімі негізінде байқауға математика пәнінен тапсырмалар беріледі. Байқау жұмысы резенцияланбайды және берілмейді. Байқау жұмысының 60%-ын орындаған оқушы лицейге қабылданады.
Байқаудың өтілуі мына мерзімде болады:
I лег- 6 маусым 2019 жылдан бастап
Әр үш күн сайын оқушы саны толғанша байқау өткізіледі
5- сынып оқушыларының дайындық деңгейіне қойылатын талаптар:
1. Көптаңбалы сандарды көбейту мен бөлу
2. Өрнектердегі амалдарды орындау реті
3. Шамаларға арифметикалық амалдар қолдану
4. Күрделі теңдеулерді шешу
5. Қозғалысқа, бірлескен жұмысқа, шамалардың тәуелділігіне берілген мәтінді есептерді арифметикалық тәсілмен шығару
6. Геометриялық есептерді шығару
7. Логикалық есептерді шығару
Ескерту!
Құрметті, ата-аналар! Оқушы байқауға өзімен бірге 12 беттік дәптер (төр көз) және қаламмен келуі тиіс.
Негізгі орта білімнің жалпы білім беретін оқу бағдарламаларын іске асыруда лицейдің бесінші, алтыншы, сегізінші, тоғызыншы сыныптарына қабылдау 2019-2020 оқу жылы бойынша лицейден кеткен оқушылардың босаған орындарына сынып-комплектісін 25 оқушыға толықтыру мақсатында жүзеге асырылады.
Қазақстан Республикасы Үкіметінің 2018 жылғы 10 мамырдағы № 254 қаулысымен бекітілген «Бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгі қағидалары» негізінде:
15. Гимназиялар және лицейлер білім беру ұйымдарының қызмет көрсету аумағында тұратын білім алушылардың қолжетімділігін қамтамасыз ете отырып, Қазақстан Республикасының мемлекеттік жалпыға міндетті білім беру стандарттарында айқындалған міндетті білім көлемін алуын қамтамасыз ету үшін жалпы білім беретін сыныптарды қалыптастырады.