Лицейде үштілділіктің қолданылуын бақылау жүргізілді

Қазан айының 9 күні Нұрсұлтан қаласынан үштілділіктің қолданылуын бақылау негізінде Ы.Алтынсарин атындағы ҰҒА директоры: Алма Қайыркенқызы лицейімізге келіп, ағылшын тілінде жүргізілетін 8 «Ә» сыныбының физика,  9 «Ә» сыныбының информатика  сабақтарына қатысты. 
    Физика пәнінен Бекмырза Ұласбекұлының, информатика пәнінен Жұлдыз Күнболатқызының сабақтарының 50 пайызы ағылшын тілінде өтіліп, оқушыларды ұйымдастыруы, ағылшынша сөйлеуі, мұғалім мен оқушы қарым-қатынасы жоғары дәрежеде болды. Үштілділіктің жоғары деңгейде өтіп жатқандығына көз жеткізіп, ризашылығын білдірді.
   Сондай-ақ, 11 «Ә» сыныбының  қазақ тілінде жүргізілетін алгебра пәнінен Кибар Ишиговтың да сабағына қатысып,  оқушылардың пәнге деген құлшынысын, мұғалімнің балаларға деген ықыласын көрді.