Ж.Жабаев атындағы № 161 лицей «Қош келдің, Жаңа жыл! » атты кештің анықтамасы

Ж.Жабаев атындағы № 161 лицей

 «Қош келдің, Жаңа жыл! » атты кештің анықтамасы

Мақсаты: оқушыларға мерекелік көңіл күй тудыру,балаларға көңілді ойындар ойнату, достық қарым-қатынас ояту, аудиторияға мерекелік көңіл күй жасау.

24.12.2024ж 5-6 сыныптар, 26.12.2024ж 7-9 сыныптар, 27.12.2024ж 10-11 сыныптарда «Қош келдің, Жаңа жыл!» атты  жаңа жылды қарсы алу кеші өтті. Кешке қатысушылар мерекеге сай киімдер киіп, Жаңа жылдық көңіл-күйде болды. Кеш бағдарламасы бойынша сыныптардың шығармашылық топтары  ән, өлең айтып,  өз өнерлерін ортаға салды. Жаңа жылдың бас кейіпкерлері  Аяз Ата мен Ақшақарды асыға күткен кешке қатысушылар, шапалақпен ортаға шақырды. Аяз Ата шырша шамын жарқыратып, Жаңа жылға жаңа табыс тілеп, сыйлықтар берді. Оқушылар Аяз атаға өз ән айтып, би билеп сыйлықтар алды.  Жаңа жыл кешінде ұлу, жылан кейіпкерлері де өз өнерлерін көрсетіп, оқушыларға қуаныш сыйлады. 5-11 сынып оқушылары да жаңа жылдық мерекеге сай киімдер киініп, жаңа жылдық кештің сәнін келтірді.

Жалпы кешті ұйымдастырып, өткізген 10 «А» сынып оқушылары Жаңа жылдық мерекенің басын «Жаңа жыл» әнімен ашты. Әсем әуеннің ырғағымен 10 және 9- сынып оқушылары вальс биін жалғастырды. Мерекелік кештің жүргізушілері, 10 «А» сынып оқушылары Бостан Хауа, Төрехан Әлихан жылы тілек сөздермен кешке қатысушыларды баурап алды. Әр сынып оқушылары өлең айтып, би билеп жаңа жылға тілектер айтылды. Кеш соңында ұйымдастырушы, 10 «А» сынып оқушылары дайындаған Жаңа жылдық флешмобқа барлық залда отырғандар қатысты. Мерекелік кеш Жаңа жыл би кешімен аяқталды. Жоғары сынып оқушыларының кештері мен мерекесіне лицей әкімшілігі, мұғалімдер, ата-аналар қатысты.